अन्ततः जुर्यो मोदीको नेपाल भ्रमण मिति, बैशाख २८ गते नेपाल भ्रमणमा आउने

काठमाडौं, ८ वैशाख । प्रधानमन्त्री केपी ओलीको निमन्त्रणामा भारतीय प्रधानमन्त्री नरेन्द्र मोदी वैशाख २८ गते नेपाल भ्रमणमा आउने भएका छन् ।

वैशाख २८ गते मोदी जनकपुरसमेत जाने कार्यक्रम रहेको भारतीय र नेपाली अधिकारीहरूलाई उद्धृत गर्दै हिन्दुस्तान टाइम्सले जनाएको छ । यसअघिको भ्रमणमा मोदीले जनकपुर जाने इच्छा देखाए पनि उनी जान पाएका थिएनन् ।

भारतले प्रधानमन्त्रीमा निर्वाचित भएपछि ओलीलाई भारत भ्रमणको निम्तो दिएका थिए । ओलीले चैत २३ गतेदेखि २५ गतेसम्म तीन दिने राजकीय भ्रमण गरेका थिए । मोदीको यो भ्रमण तेस्रो हुनेछ ।

Leave Your Comment