वैद्यको दस्तावेज भन्छ : ‘मानिसको इच्छाले मात्रै क्रान्ति हुँदैन’

Mohan-baidhya-kiran१२ पुस, काठमाडौं । नेकपा-माओवादीका अध्यक्ष मोहन बैद्य किरणले मानिसको इच्छाले मात्रै क्रान्ति नहुने निश्कर्ष निकालेका छन् ।

विगतमा नेकपा (मसाल) का महामन्त्री मोहनविक्रम सिंहले पनि वस्तुगत परिस्थिति तयार नभई कसैको इच्छाले मात्रै क्रान्ति नहुने बताउँदै आएका थिए । वैद्यको दस्तावेज मोहनविक्रमको नजिक देखिएको छ ।

शुक्रबारबाट काठमाडौंमा सुरु भएको राष्ट्रिय भेलामा बैद्यले आफैं प्रश्न सोध्दै आफैं जवाफ दिँदै अन्तरवार्ताको शैलीमा २४ पृष्ठको राजनीतिक प्रतिवेदन पेश गरेका छन् । दस्तावेजको २१ औं पृष्ठ प्रश्नोत्तर शैलीमा छ ।

दस्तावेजमा वैद्यले जनविद्रोहमा जान नसक्नुका कारण उल्लेख गरेका छन् । मानिसको इच्छाले मात्रै क्रान्ति हुन नसक्ने भन्दै त्यसका लागि वस्तुगत अवस्था तयार हुनुपर्ने वैद्यको निश्कर्ष छ ।

वैद्यले आफ्नो दस्तावेजमा विद्रोह हुन नसक्नुको कारण आफ्नो पार्टीभित्रै रहेको बताएका छन् । पार्टी नेतृत्वपंक्तिबाट उदारवादी कमजोरी भएको उल्लेख गर्दै बैद्यले दस्तावेजमा ‘पार्टी कामको संक्षिप्त समीक्षा’ शीर्षकमा लेखेका छन्-‘अहिले हाामी पार्टी विभाजनको पीडामा छौं । यस विभाजनले पार्टीलाई ठूलो क्षति पुर्‍याएको छ ।’

तर, संगठनको मूलशक्ति आफूसँगै रहेको र असवरवादवाट मुक्त हुँदै गएपछि पार्टी सुदृढ बन्दै जाने दाबीसमेत दस्तावेजमा गरिएको छ । दस्तावेजमा भर्खरै पार्टी फुटाएर बाहिरिएका विल्लवको चर्को आलोचना गरिएको छ । विप्लव समूहको कार्यदिशा रहस्यवाद र शून्यवादमा फसेको बैद्यको निष्कर्ष छ ।

kiran-doc

वैद्यले आफ्नो दस्तावेजमा पार्टी फुटअघि विप्लव पक्षले लगाएका आरोपहरुको प्रश्न-उत्तर शैलीमा जवाफ दिएका छन् । अनलाइनखबरलाई प्राप्त वैद्यको दस्तावेजमा उल्लेखित प्रश्नोत्तर छ :

– See more at: http://www.onlinekhabar.com/2014/12/222480/#sthash.Y8LnW9jB.dpuf

Leave Your Comment